Dam örtükləri

Evin damı, sadəcə yağışdan qoruyan bir səth deyil. O, evi başdan-başa tamamlayan, istiliyini qoruyan, eyni zamanda evin gözəlliyini artıran vacib bir elementdir. Yaxşı seçilmiş dam örtüyü təkcə qoruma funksiyası daşımır. O, həm də binanın xarici görünüşünə gözəllik qatır.
Əgər sən də evin damını dəyişdirməyi düşünürsənsə və ya yeni tikinti planlaşdırırsansa, TEZBAZAR.AZ dam örtükləri üçün əla başlanğıc nöqtəsidir. Bu məqalədə dam örtükləri, növləri və digər detallar haqqında ətraflı məlumat təqdim edəcəyik.

Dam örtüklərinin növləri

TEZBAZAR.AZ saytında fərqli üslub və tələblərə uyğun müxtəlif dam örtükləri yer almaqdadır. Burada həm klassik, həm də müasir görünüşlü, büdcəyə uyğun və keyfiyyətli dam örtüyü modelləri tapmaq mümkündür. Yaşadığınız əraziyə, hava şəraitinə və şəxsi zövqünüzə uyğun dam örtüyü seçimi evinizin estetik görünüşünü artıracaq.

Metal örtükləri

Metal örtüklər, xüsusilə sink, alüminium, mis və galvanizlənmiş polad materiallardan hazırlanan modelləri ilə fərqlənir. Bu örtüklər uzunömürlüdür və sərt iqlim şəraitinə qarşı yüksək dayanıqlılıq nümayiş etdirir. Metal örtüklərin çəkisi yüngüldür. Bu da onların daşıyıcı konstruksiyaya az yük salması deməkdir. Paslanma əleyhinə müasir texnologiyalarla işlənmiş bu örtüklər illərlə öz funksionallığını və estetik görünüşünü saxlayır. Quraşdırılması asan olduğu üçün tikinti və montaj prosesini sürətləndirir. Eyni zamanda, müasir istehsal texnologiyaları sayəsində müxtəlif rəng və formalarda istehsal olunduğu üçün həm klassik, həm də müasir memarlığa uyğunlaşır. Fərdi evlər, ticarət mərkəzləri, zavodlar, anbarlar və digər obyektlər üçün geniş istifadə olunur.

Kərpic və kirəmit örtükləri

Ənənəvi memarlığın əsas elementlərindən biri kərpic və kirəmit dam örtükləridir. Uzun illərdir ki, həm estetik, həm də praktik xüsusiyyətlərinə görə üstünlük təşkil edir. Bu materiallar istilik izolyasiyası baxımından çox effektivdir. Belə ki, qışda evi isti, yayda isə sərin saxlayır. Kirəmitlər təbii materiallardan hazırlandığı üçün ekoloji baxımdan təhlükəsizdir. Onlar yanğına davamlıdır, yüksək dərəcədə səs və istilik izolyasiyası təmin edir. Müxtəlif rəng və dizayn seçimləri ilə həm müasir, həm də retro üslubda evlərə mükəmməl uyğun gəlir. Uzunömürlü olan bu örtüklər 50-100 ilə qədər istifadə edilir. Ən çox bağ evləri, villalar və estetik görünüşə önəm verilən obyektlərdə tətbiq olunur.

Bitum və membran örtüklər

Bitum və membran əsaslı örtüklər, xüsusilə düz damlı tikililərdə istifadə edilən ən sərfəli və effektiv dam örtüyü sistemlərindən biridir. Bitum örtüklər su keçirməz xüsusiyyətləri ilə tanınır və dam sızmalarının qarşısını almaqda idealdır. Membran örtüklər isə elastikliyi və möhkəmliyi ilə fərqlənir, bu da onlara müxtəlif hava şəraitində çatlamadan və zədələnmədən uzun müddət xidmət göstərməyə imkan verir. Onlar həmçinin istiyə və UV şüalarına davamlıdır. Bu tip örtüklər yaşayış binalarında, ticarət obyektlərində, ictimai binalarda və qarajlarda geniş tətbiq olunur. Eyni zamanda texniki xidmət xərcləri azdır və tətbiqi sürətlidir.
Plastik və polikarbonat örtüklər
Plastik və polikarbonat dam örtükləri əsasən şəffaf və ya yarı şəffaf forması ilə ön plandadır. Bu materiallar təbii işıqlandırma təmin etdiyi üçün daha çox kölgəliklərdə, istixanalarda, eyvan və terraslarda istifadə olunur. Polikarbonat UV şüalarını filtrasiya etdiyi üçün günəşin zərərli təsirindən qoruyur. Eyni zamanda güclü zərbələrə qarşı da dayanıqlıdır. Bu örtüklər çox yüngül olduqlarından onları quraşdırmaq da asandır. Estetik görünüşü və rəng seçimləri ilə müasir layihələrə uyğunluq göstərir. Aşağı texniki qulluq tələbi, suya və hava şəraitinə qarşı müqaviməti bu örtükləri xüsusilə açıq sahələrdə əlverişli edir.

6 metrlik dam örtükləri

6 metrlik dam örtükləri daha çox geniş sahələrin sürətli və effektiv örtülməsi üçün istifadə olunur. Bu uzunluqda təklif olunan dam örtükləri, əsasən metal, plastik və polikarbonat materiallarda mövcuddur. Uzunölçülü panellər birləşdirmə sayını azaltdığı üçün həm görünüş baxımından estetik olur, həm də sızma riskini minimuma endirir. Montaj işlərini sürətləndirir, material itkisini azaldır və əlavə işçilik tələb etmədən tikinti prosesini sadələşdirir. Anbarlar, emalatxanalar, sənaye obyektləri və kənd təsərrüfatı tikililərində geniş tətbiq olunur.

Çerepitsa dam örtükləri

Çerepitsa dam örtükləri adətən klassik və estetik görünüşə sahib tikililərdə istifadə olunan dam örtüyü növüdür. Onlar keramik və ya beton materialdan istehsal oluna bilər. Xüsusilə villalar, bağ evləri, restoran və istirahət mərkəzlərində bu örtüklər üstünlük təşkil edir. Çerepitsalar yanğına davamlıdır, istilik və səs izolyasiyası baxımından yüksək göstəriciyə malikdir. Doğru şəkildə quraşdırıldıqda çox uzun müddət xidmət edir. T/təmir zamanı zədələnmiş hissənin yalnız müəyyən bölmələri dəyişdirilə bilər. Fərqli formalar, rənglər və səth toxumaları ilə arxitekturanın görünüşünü zərif şəkildə tamamlayır.

İkinci əl dam örtükləri

Bəzən yeni dam örtüyü almaq büdcəyə uyğun olmaya bilər. Bu zaman daha sərfəli və praktik bir həll kimi ikinci əl dam örtükləri ön plana çıxır. Xüsusilə təmir üçün müvəqqəti örtüyə ehtiyacın varsa, yaxud anbar, qaraj, tövlə kimi köməkçi tikililərdə istifadə ediləcək material axtarırsansa, ikinci əl məhsullar münasib seçim sayılır. Üstəlik, daha ucuz qiymətə keyfiyyətli material əldə etmək imkanın olur. TEZBAZAR.AZ saytında ikinci əl dam örtükləri tapmaq mümükndür. İkinci əl dam örtüklərinin qiymətləri yeni məhsullarla müqayisədə 30-70% daha ucuz olur. Nümunə olaraq, metal işlənmiş dam örtükləri 1 m² üçün təxminən 5 - 15 AZN, kirəmit materialları isə 1 ədəd üçün 0.20 - 0.60 AZN arasında dəyişir. Bitum və membran örtükləri isə adətən paketlə və ya rulonla satılır. Qiymət satıcı ilə razılaşma əsasında müəyyən olunur.
İkinci əl dam örtüyü alarkən bir neçə vacib məqama diqqət yetirmək vacibdir. Əvvəla, materialın ümumi vəziyyətini, yəni zədələnmə səviyyəsini yoxlamaq lazımdır. Paslanma, qırıq və çatların olub-olmaması, suya davamlılığın qorunub-qorunmaması diqqətdə saxlanmalıdır. Həmçinin, satıcının rəyləri və reytinqi də qərar verməkdə sənə ciddi kömək olacaq. Bir sözlə, düzgün seçilmiş ikinci əl dam örtüyü ilə həm büdcənə qənaət edə bilərsən, həm də ehtiyacını tam şəkildə qarşılayırsan.

Qiymət aralığı əlavə xidmət

TEZBAZAR.AZ saytında dam örtüklərinin qiymətləri bir neçə amildən asılı olaraq dəyişir. Bu amillərə məhsulun növü, istifadə olunan material, qalınlıq və istehsalçı ölkə daxildir. Ümumilikdə isə sayt üzərində ən çox rast gəlinən qiymət aralığı ilə tanış olaq. Belə ki, metal dam örtükləri 1 m² üçün təxminən 10-30 AZN arasında dəyişir. Kirəmit örtüklərin qiyməti 25-60 AZN aralığındadır və bu növ məhsullar estetik dəyəri ilə yanaşı, uzunömürlülüyü ilə də fərqlənir. Bitum və membran örtüklər isə daha sərfəli hesab olunur. Onların kvadratmetrə görə qiyməti 8-20 AZN arasındadır. Polikarbonat və plastik örtüklər isə xüsusilə açıq məkanlar üçün nəzərdə tutulduğundan 1 m² üçün 15-40 AZN civarındadır. Əlbəttə, bütün bu qiymətlər satıcıdan və məhsulun keyfiyyətindən asılı olaraq dəyişə bilər.

Kreditlə alış imkanı

Sayt müştərilərə kreditlə alış imkanı təqdim edir. Bu imkan xüsusilə böyük sahələr üçün dam örtüyü almaq istəyənlər üçün əlavə rahatlıq yaradır. Kredit şərtləri alıcının ödəmə imkanlarına uyğun olaraq tənzimlənir və adətən ilkin ödəniş 20-30% təşkil edir. Qalan məbləği isə 3 aydan 12 aya qədər hissəvi şəkildə ödəmək mümkündür. Bəzi hallarda faizsiz və ya çox aşağı faizli kredit təklifləri də mövcuddur. Bu da məhsulu büdcəyə uyğun formada əldə etməyə şərait yaradır. Sənədləşmə prosesi sadədir, əksər hallarda onlayn şəkildə həyata keçirilir və qısa müddətdə təsdiqlənir. Kredit şərtləri ilə bağlı daha ətraflı məlumat əldə etmək və uyğun təkliflərdən faydalanmaq üçün məhsul seçimi zamanı müvafiq satıcı ilə birbaşa əlaqə saxlamaq tövsiyə olunur.

Əlavə xidmətlər

Təqdim olunan dam örtükləri ilə yanaşı, bir sıra quraşdırma və digər texniki xidmətlər də təklif edilir. Quraşdırma xidmətləri məhsulun düzgün və təhlükəsiz şəkildə tətbiq olunmasında mühüm rol oynayır. Bu sahədə təcrübəli ustalarla əməkdaşlıq edən satıcılar alıcılara əlavə rahatlıq təmin edir. Mövcud əlavə xidmətlər arasında çatdırılma ilə birlikdə montaj paketləri xüsusilə populyardır. Bu xidmət sayəsində alıcı məhsulu həm əldə edir, həm də onun quraşdırılması ilə bağlı əlavə narahatlıq yaşamır. Bəzi hallarda dam örtüyünün altında ikiqat izolyasiya materiallarının quraşdırılması da təklif olunur. Bu da həm istilik, həm də səs izolyasiyasını artırır. Köhnə dam örtüyünün sökülməsi xidmətləri də təqdim olunur. Yenidənqurma və təmir prosesini asanlaşdırır. Bundan başqa, zəmanətli montaj xidməti ilə məhsulun quraşdırılmasından sonra uzunmüddətli keyfiyyət təmin olunur.

Dam örtüklərinin təmiri və vurulması

TEZBAZAR.AZ saytında yalnız yeni dam örtüklərinin satışı deyil, onların təmiri və vurulması ilə bağlı xidmətlər də mövcuddur. Dam örtüyünün vaxtında təmir edilməsi və peşəkar şəkildə vurulması tikilinin uzunömürlü, təhlükəsiz olmasını təmin edir. Zədələnmiş, su sızdıran və ya köhnəlmiş dam örtüyü istər evin daxili hissəsinə ziyan vurur, istərsə də enerji səmərəliliyini aşağı salır. Bu səbəbdən, belə hallarda operativ şəkildə müdaxilə edilməsi vacibdir.
Təmir prosesi zamanı örtüyün vəziyyəti yoxlanılır. Çatlar, deformasiyalar və su keçirmə riskləri aradan qaldırılır. Ehtiyac olarsa, zədələnmiş hissələr yenilənir və izolyasiya qatları bərpa olunur. Əgər dam örtüyü tamamilə yararsız vəziyyətdədirsə, o zaman köhnə örtük sökülərək yerinə yeni dam materialı vurulur. Vurulma prosesi isə müasir texnologiyalara əsaslanaraq, peşəkar ustalar tərəfindən icra olunur və hər mərhələdə keyfiyyətə ciddi nəzarət edilir. Təcrübəli ustalarla əməkdaşlıq etmək dam örtüyünün daha uzunömürlü, dayanıqlı və estetik görünüşlü olmasını təmin edir.

Dam örtüyü alarkən nələrə diqqət etməli?

Dam örtüyü seçimi tikinti və təmir prosesində ən vacib mərhələlərdən biridir. Bu örtük yalnız binanı xarici təsirlərdən qorumaqla kifayətlənmir, həm də istilik, səs izolyasiyası və ümumi estetik görünüşə birbaşa təsir göstərir. İlk olaraq, örtüyün materialına və keyfiyyətinə diqqət yetirmək lazımdır. Metal, kirəmit, bitum, membran, plastik və ya polikarbonat materiallar arasında seçim edərkən ərazinin iqlim şəraitini nəzərə almaq əhəmiyyətlidir. Məsələn, rütubətli və ya çox küləkli bölgələrdə paslanmayan, möhkəm və hava təsirlərinə davamlı örtüklər daha uyğundur. İkinci vacib məqam qalınlıq və texniki göstəricilərdir. Qalın örtüklər adətən daha davamlı olur. Uzunömürlü istifadə üçün əlverişlidir. Eyni zamanda, damın formasına və meyillilik bucağına uyğun material seçilməsi onun düzgün və təhlükəsiz quraşdırılmasına şərait yaradır. Nəhayət, zəmanət və əlavə xidmətlərə diqqət yetirmək lazımdır. Keyfiyyətli dam örtüyü məhsulları adətən zəmanətlə təqdim olunur. Bəzi hallarda satıcı tərəfindən montaj, izolyasiya və köhnə örtüyün sökülməsi kimi xidmətlər də təklif edilir. Bu isə alıcıya vaxt və əlavə xərc baxımından ciddi üstünlüklər qazandırır. Doğru dam örtüyü seçimi yalnız evinizin görünüşünü deyil, həm də onun dəyərini və funksionallığını artıracaq. TEZBAZAR.AZ-da seçim etməzdən əvvəl məhsul xüsusiyyətlərini diqqətlə araşdırmaq və təcrübəli satıcılarla məsləhətləşmək daha uğurlu nəticələr yaradır.