Armatur

Armatur, əsasən beton konstruksiyalarda istifadə edilən və betona dartılma gücü verən polad çubuqlardır. Beton bərkdir, amma elastik deyil. Armatur isə bu elastikliyi təmin edir və binanın zəlzələyə davamlı olmasına kömək edir.
Tikinti sektorunda işləyən hər kəs yaxşı bilir ki, armatur olmadan möhkəm bina inşa etmək mümkün deyil. Bəs bu vacib material haqqında nələri bilirik? Bu sualın cavabını TEZBAZAR.AZ-da cavabblandırdıq.

Müxtəlif növ armaturlar

Bu gün müasir tikinti texnologiyalarında armaturdan istifadə edilmədən aparılan ciddi konstruksiya demək olar ki, yoxdur. Armaturlar müxtəlif diametrlərdə istehsal olunur. Ümumiyyətlə, 6 mm-dən başlayaraq 32 mm və daha artıq qalınlıqda armaturlar mövcuddur. Hər diametrin öz funksiyası və istifadə sahəsi var. Məsələn, 6–10 mm armaturlar əsasən köməkçi elementlərdə və bağlama üçün istifadə olunur. 12 mm armatur isə fərdi ev tikintisində ən çox istifadə edilən ölçülərdən biridir. Həm möhkəmlik baxımından optimaldır, həm də praktik işlənmə imkanı verir. Armaturun əsas növləri və onların tikintidə hansı məqsədlə istifadə olunduğunu sizlər üçün izah etdik.

Sadə səthli armatur, A-I markası

Bu növ armaturun səthi hamar olur və qabarıq naxışlara malik deyil. Əsasən kiçik miqyaslı və az yük daşıyan beton elementlərdə istifadə olunur. Məsələn, pilləkənlər, divar kəmərləri və döşəmə armaturları üçün uyğun seçimdir. Yapışma səviyyəsi nisbətən aşağı olduğuna görə daşıyıcı konstruksiyalarda nadir hallarda istifadə edilir. Sadə səthli armaturun əyilməsi və formaya salınması asan olduğundan, bəzi hallarda yardımçı armaturlar kimi də istifadə olunur.

Qabarıq səthli armatur, A-III markası

Bu tip armaturun səthində xüsusi qabarıqlar və çıxıntılar olur. Bu çıxıntılar betonla armatur arasında daha güclü yapışma yaradır. Daha doğrusuŞ konstruksiyanın ümumi möhkəmliyini xeyli artırır. Yüksək dartılma gücünə malik olduğuna görə əsas daşıyıcı elementlərdə, sütunlarda, tir və şpallarda, eləcə də monolit konstruksiyalarda geniş istifadə olunur. Zəlzələ riski olan bölgələrdə tikilən binalarda bu növ armaturun istifadəsi xüsusilə vacib sayılır.

Spiral və halqavari formalar

Bu növ armaturlar əsasən dairəvi və ya silindrik formalı konstruksiyalarda istifadə olunur. Sütunların ətrafına spiral şəkildə sarılan armaturlar onların həm lateral və ya yan təzyiqlərə, həm də dik yüklərə qarşı daha davamlı olmasına kömək edir. Halqavari formalar isə bəzən dayaqların ətrafında bağlama elementi kimi işlədilir. Bu tip armaturların əsas məqsədi betonu sıxmaq və onun formasını qorumaqdır. Belə armaturlar daha çox mühəndislik hesablamaları əsasında xüsusi məqsədlərlə tətbiq edilir.

Paslanmayan və xüsusi təyinatlı armatur

Adından da göründüyü kimi, bu tip armaturlar xüsusi metallarla örtülmüş və ya ərintilərdən hazırlanmış olur. Buna səbəb odur ki, nəm, kimyəvi maddələr və hava şəraitinə qarşı yüksək dayanıqlığa malik olsun. Əsasən dəniz sahillərində, kimya zavodlarında, tunellərdə, su anbarlarında və digər korroziyaya məruz qalan mühitlərdə istifadə olunur. Həm qiymət, həm də texniki xüsusiyyətlərinə görə daha nadir və xüsusi layihələrdə istifadə edilir. Uzunömürlü konstruksiyalar üçün bu növ armatur vacib rol oynayır.

Digər alətlər və məhsullar

Tikinti zamanı yalnız armaturun özü deyil, onunla işləmək üçün lazım olan alətlər və qurğular da böyük əhəmiyyət daşıyır. Gəlin bu hissədə onları da tanıyaq.
Armatur xamutu, armatur çubuqlarının bir-birinə bərkidilməsi və formaya salınması üçün istifadə edilən halqa və ya U formalı metal parçadır. Bu xamutlar armatur karkaslarının möhkəm qurulmasında mühüm rol oynayır. Karkasın dayanıqlı olması üçün xamutlar müəyyən aralıqlarla və düzgün şəkildə yerləşdirilməlidir. Sadalanan elementlər tikintidə həm təhlükəsizlik, həm də strukturun möhkəmliyi baxımından əvəzolunmazdır.
Armatur bəzən birbaşa formada deyil, müəyyən bucaqlarla əyilmiş şəkildə istifadə olunur. Bunun üçün armatur əyən əl alətləri və ya avtomatik armatur əyən makinələr tətbiq olunur. Əl ilə işləyən armatur əyənlər kiçik miqyaslı işlər üçün uyğundur. Daha geniş tikinti sahələrində isə elektriklə işləyən armatur əyən makinələrə üstünlük verilir. Bu cihazlar armaturun daha dəqiq və standartlara uyğun şəkildə formalaşdırılmasını təmin edir.
Armaturun tikintiyə uyğun uzunluqda olması üçün xüsusi kəsici alətlərdən istifadə olunur. Əl ilə işləyən armatur kəsən qayçılar sadə və praktik quruluşuna görə kiçik tikinti sahələrində əlverişlidir. Onlar əsasən nazik və orta qalınlıqlı armaturların kəsilməsi üçün uyğundur və asan daşınma imkanı ilə fərqlənir.
Peşəkar tikinti işlərində isə armatur kəsən dəzgahlar istifadə olunur. Bu elektriklə işləyən qurğular müxtəlif diametrdə olan armaturları yüksək dəqiqlik və sürətlə kəsə bilir. Armatur dəzgahları həm işçi qüvvəsinə qənaət edir, həm də kəsmə prosesini standartlaşdıraraq işin keyfiyyətini artırır. Xüsusilə böyük həcmli layihələrdə bu tip avadanlıqların olması həm məhsuldarlıq, həm də təhlükəsizlik baxımından vacibdir.

Sərfəli qiymətlər və xidmətlər

TEZBAZAR.AZ-da armatur qiymətləri bazar dəyərindən daha sərfəli təklif olunur. Müxtəlif keyfiyyət və markalara uyğun armatur çeşidləri geniş qiymət aralığında təqdim edilir. A-I, A-III kimi fərqli markalar, diametr və uzunluq ölçüləri qiymətə birbaşa təsir göstərir. Təcili satışlar, xüsusi kampaniyalar və endirimli təkliflər vasitəsilə daha münasib qiymətlərlə alış imkanı yaranır. Eyni zamanda, birbaşa təchizatçılardan və ya topdansatış təklifləri ilə alış daha qənaətli olur. Ən çox verilən suallardan biri də armatur 12 bir ədədin qiymətidir. TEZBAZAR.AZ-da bu ölçüdə armaturun 1 ədədinin qiyməti 8-15 AZN arasında dəyişə bilər. Tikinti miqyasına uyğun olaraq həm böyük partiyalarla, həm də az miqdarda armatur almaq mümkündür. Sadə səthli, qabarıq səthli, spiral formalı və paslanmayan armaturlar daxil olmaqla, müxtəlif ölçü və növlərdə armaturları saytımızdan tapa bilərsiniz.

Satış şərtləri

Satış şərtləri müştərinin ehtiyaclarına uyğun şəkildə çevik və razılaşdırıla biləndir. Nağd ödənişlə yanaşı, bəzi hallarda hissəvi ödəniş və ya müqavilə əsasında satış imkanı da mümkündür. Çatdırılma, yükləmə, kəsim və texniki dəstək kimi əlavə xidmətlər də təklif oluna bilər. Müştəri seçdiyi məhsulu yerində yoxlaya və keyfiyyəti ilə bağlı əmin olduqdan sonra alış həyata keçirə bilər. Bütün satış prosesi şəffaf şəkildə təşkil olunur və qarşılıqlı razılaşma əsasında həyata keçirilir.

Armatur alarkən nələrə diqqət yetirməliyik?

Tikinti materialı seçimi zamanla binanın təhlükəsizliyi və uzunömürlülüyü üçün böyük rol oynayır. Xüsusilə armatur alarkən keyfiyyətə ciddi yanaşmaq vacibdir. Uyğun olmayan və ya qeyri-standart məhsuldan istifadə tikintidə ciddi risklər yarada bilər. Buna görə də seçim zamanı bir neçə əsas məqama diqqət yetirmək lazımdır. Alınan armaturun mütləq şəkildə sertifikatı olmalıdır. Sertifikat məhsulun standartlara uyğunluğunu, keyfiyyətini və təhlükəsizlik göstəricilərini təsdiq edir. Məhsulun istehsalçı ölkəsi, markası, buraxılış ili və texniki göstəriciləri aydın şəkildə göstərilməlidir. Bu məlumatlar olmadan armaturun keyfiyyətinə və davamlılığına zəmanət vermək mümkün deyil. Sertifikatsız məhsullar tikinti layihəsində böyük risklərə səbəb ola bilər. Armatur seçərkən yalnız görünüşə əsaslanmaq düzgün deyil. Məhsulun texniki təsviri də diqqətlə araşdırılmalıdır. Uzunluğu, diametri, çəkisi, materialın vəziyyəti, pas olub-olmaması, istifadə üçün nəzərdə tutulduğu sahə və digər texniki detallara baxmaq lazımdır. Bu məlumatlar məhsulun tikintidə hansı məqsədlə istifadə oluna biləcəyini və nə dərəcədə uyğun olduğunu müəyyən etməyə kömək edir. Hətta şəkil olsa belə, təsviri oxumadan qərar vermək riskli ola bilər.