Zəlzələdə yararsız hala düşən avtomobillərini satırlar - QİYMƏT

Türkiyədə güclü zəlzələlərdən sonra minlərlə insan evini, əmlakını və sahib olduğu bir çox şeyi itirib.
FED.az "Qafqazinfo" istinadən xəbər verir ki, Kahramanmaraş, Hatay və Adıyamanda bir çoxları zəlzələ nəticəsində zərər görən və hətta yararsız hala düşən avtomobillərini satmağa başlayıb. 
Onların məqsədi yaranmış şəraitdə pula olan ehtiyaclarını qarşılamaqdır. 
Məlumata görə, gün keçdikcə saytlarda zəlzələdə zərər görən maşınların satışı ilə bağlı elanların sayı artır. Bu avtomobillər sırasında tamamilə yararsız olanlara da rast gəlmək mümkündür.