Yeni BMW 5-Series sedanları təqdim edildi - FOTOLAR

Almaniyanın BMW şirkəti rəsmi olaraq yeni, səkkizinci nəsil 5-Series sedanlarını təqdim edib. İlk dəfə olaraq avtomobilin i5 adlanan tam elektrik versiyası var.
Marja xəbər verir ki, dizaynerlər gövdənin klassik siluetini saxlayıb, ölçüsünü artırıblar. Avtomobilin uzunluğu 86 mm artaraq 5 metri keçib, eni 33 mm, təkər bazası 20 mm artıb və indi təxminən 3 metrdir.
Benzinlə işləyən versiyalardan biri 259 at gücü hasil edən 2 litrlik turbo mühərrik ilə təchiz olunur və tam ötürücüdür. Digər versiya 380 at gücünə malik mühərrik ilə təchiz olunan 540i xDrive-dır.
Gələcəkdə güc aqreqatlarının seçiminin genişləndirilməsi gözlənilir. Xüsusilə, 2024-cü ildə hibrid versiya meydana çıxmalıdır.
i5-in iki tam elektrik versiyaları da var. Onlar 340 at gücü və 598 at gücündədirlər. İkincisi 100 km/saata 3,7 saniyəyə sürətlənir.
Yeni sedanın interyeri sələfinin interyerindən nəzərəçarpacaq dərəcədə fərqlənir, ilk növbədə - indi cihazlar paneli iki displeydən ibarətdir: alət və idarəetmə. İkincisi, BMW ənənəsinə uyğun olaraq, sürücüyə doğru bir az çevrilir. 
/ marja.az