Wi-Fi texnologiyası Li-Fi ilə əvəzlənəcək
Elektrotexnika və Elektronika Mühəndisləri İnstitutu (IEEE) informasiyanın optik ötürülməsinə əsaslanan yeni simsiz rabitə standartını qəbul edib. Yeni Light Fidelity (hərfi tərcümədə "işıq dəqiqliyi") və ya Li-Fi texnologiyası radio dalğaları vasitəsilə məlumat ötürülməsini işıq dalğaları ilə əvəz edəcək.
Banker.az bu barədə xarici mediaya istinadən xəbər verir.
Bildirilir ki, texnologiyadan istifadə zamanı məlumat ötürmə sürəti müasir Wi-Fi və 5G-dən 100 dəfə yüksək olacaq və 224 GB/s-yə çatacaq.
Qeyd olunur ki, məlumatların Li-Fi üzərindən ötürülməsi üçün çöldəki fənərlərdən, hətta avtomobillərdəki faralardan və əyləc işıqlarından istifadə oluna bilər. Beləliklə, simsiz işıq şəbəkəsi vasitəsilə məlumat mübadiləsi sistemi mümkün qədər çevik və "ağıllı" olacaq.
Eyni zamanda, ekspertlər əmindirlər ki, Wi-Fi ümumi istifadədən itməyəcək, ən azı ona görə ki, radio dalğaları işıq dalğalarından fərqli olaraq divarları və digər qeyri-şəffaf tavanları keçə bilir. Kobud desək, ötürücüdən gələn siqnal istifadəçi bir otaqda, ötürücü isə başqa bir otaqda olarsa əlçatmaz olacaq.
Yeni texnologiyanın digər üstünlükləri: aşağı gecikmə, etibarlı fasiləsiz siqnal, radio şəbəkələrinin həddən artıq yükləndiyi yerlərdə Li-Fi işləmək imkanı, həmçinin ümumiyyətlə internetin olmadığı yerdə (məsələn, tunellər) sabit siqnal.
Li-Fi dəstəyi ilə ilk cihazlar 2024-cü ilin fevralından əvvəl peyda olacaq.
