"WhatsApp"da naməlum nömrədən gələn zəngləri səssizə almaq olacaq

"WhatsApp" istifadəçilərə naməlum nömrədən gələn zəngləri səssizə almağa imkan verən yeni funksiya təqdim edib, Banker.az bu barədə Kommersant-a istinadən xəbər verir. Tərtibatçıların sözlərinə görə, yenilik istifadəçiləri spam və fırıldaqçılardan qorunmağa kömək edəcək.
Naməlum nömrədən gələn zənglər "Zənglər" bölməsində saxlanılacaq. İstifadəçilər bu bölməyə daxil olaraq, onlar arasında vacib zənglərin olub-olmadığını yoxlaya biləcəklər.
Xatırladaq ki, daha əvvəl "WhatsApp" mesajları göndərildikdən sonra 15 dəqiqə ərzində redaktə etməyə icazə verib.