Toyotanın qlobal istehsalı artıb

"Toyota Motor Corp" bazar ertəsi günü qlobal avtomobil istehsalının noyabr ayında 1,5% artaraq 833 min 104 ədədlə yeni rekorda çatdığını bildirib.
Marja xəbər verir ki, ötən ay yerli istehsal (Yaponiyada) 3,3% azalaraq 266 min 174 avtomobilə, xaricdə istehsal isə 3,8% artaraq 566 min 930 avtomobillə rekord həddə çatıb.
Toyota-ya görə, qlobal satış və istehsal, xüsusilə Şimali Amerikada güclü tələbat və COVID-19 ilə əlaqəli fəaliyyətin yavaşlamasının təsirinə məruz qalan hissələrin tədarükünün bərpası nəticəsində noyabr ayında keçən ilki səviyyələri keçib.
Noyabrda avtomobil istehsalçısı yanvar ayında 700 min avtomobil istehsal etməyi gözlədiyini bildirib və mart ayında sona çatan il üçün 9,2 milyon avtomobil istehsal etmək hədəfini təsdiqləyib.
Toyota əvvəllər maliyyə ili üçün 9,7 milyon avtomobil yığacağını gözləyirdi, lakin material xərclərinin artması və yarımkeçiricilərin çatışmazlığı səbəbindən noyabr ayında bu hədəfi aşağı salmağa məcbur olub.
Bununla belə, bu hədəf (9,2 milyon avtomobil istehsalı) keçən ilki istehsaldan (təxminən 8,6 milyon avtomobil) daha yüksəkdir. / marja.az