Tesla rəsmi olaraq Taylandda satışa çıxarıldı

Çərşənbə günü elektrikli avtomobil istehsalçısı Tesla, brendini Taylandda rəsmi olaraq təqdim edib.  
Marja xəbər verir ki, Tayland Cənub-Şərqi Asiyada Sinqapurdan sonra Teslanın rəsmi təmsil olunduğu ikinci ölkə olub. 
Artıq çərşənbə günü şirkətin 2023-cü ilin birinci rübündə buraxmağı planlaşdırdığı Model 3 və Model Y versiyaları üçün onlayn öncədən sifarişlər açılıb. Avtomobillərin qiyməti müvafiq olaraq 1,75 milyon bahtdan (50 min dollar) və 1,95 milyon bahtdan (55,7 min dollar) başlayır. 
Şirkət 2023-cü ilin sonuna qədər Taylandda ən azı 10 satış məntəqəsini, həmçinin xidmət mərkəzi açmağı planlaşdırır.
Avtomobil satışlarının yüksək olduğu bir vaxtda Tesla rəsmi olaraq Tayland bazarına daxil olur.  / marja.az