Süni intellekt sənayesi 10 il ərzində 1.3 trln. dollara qədər artacaq – Bloomberg

"ChatGPT" və "Google Bard" süni intellekt çat-botlarının buraxılması generativ süni intellekt sənayesinə marağa səbəb olub ki, bu da növbəti onillikdə 1.3 trilyon dollardan çox gəlir gətirə bilər, bu barədə "Insider Bloomberg Intelligence" yazıb.
"Bloomberg"ə görə, süni intellekt sənayesi 2022-ci ildə təxminən 40 milyard dollar gəlir əldə edib. 2032-ci ilə qədər bu rəqəm 1.3 trilyon dollara yüksələ bilər ki, bu da sektorun mürəkkəb illik artım tempini 42% təşkil edir.
Banker.az bu barədə xarici mediaya istinadən xəbər verir.
Lakin süni intellektdən əldə olunan gəlirin əsas hissəsi texnologiyalardan əldə olunacaq – 2032-ci ilə qədər təxminən 641 milyard dollar. Bura süni intellekt cihazlarından (168 milyard dollar) və infrastrukturdan (473 milyard dollar) əldə edilən gəlir daxildir.
Nəşrin məlumatına görə, 2032-ci ilə qədər generativ süni intellekt İT avadanlıqları, proqram təminatı xidmətləri, reklam xərcləri və oyun bazarlarının ümumi təchizatının 10-12%-ni təşkil edəcək, halbuki hazırda bu rəqəm 1%-dən azdır.
"Bloomberg Intelligence"in baş texnologiya analitiki Mandip Sinqh mətbuata açıqlamasında bildirib ki, generativ süni intellekt qarşıdakı on il ərzində "texnoloji sektorun fəaliyyət tərzində inqilab edəcəyini vəd edən" güclü artım göstərəcək.