Skoda-nın Çexiyada və xarici bazarlarda satışları azalıb
Çexiya konserni "Skoda Auto"nun (Volkswagen Qrupuna daxil olan) avtomobillərinin xarici bazarlarda satışı 2021-ci illə müqayisədə ötən il 16,7%, Çexiyada isə 11% azalıb.
Marja xəbər verir ki, 2022-ci ildə "Skoda Auto" xarici bazarlarda 731,3 min ədəd avtomobil satıb ki, bu da bir il əvvəlki ildə16,7% azdır. Çexiyada 71,2 min avtomobil satılıb ki, bu da 2021-ci illə müqayisədə 11% azdır.
İllik 12.99%-dən 40 000 AZN-dək zaminsiz komissiyasız kredit!
Satışın azalmasının əsas səbəbləri bəzi komponentlərin, ilk növbədə, çiplərin davamlı çatışmazlığı, Ukraynadakı münaqişə səbəbindən logistika əlaqələrinin pozulması və elektrik enerjisinin qiymətlərinin artmasıdır.
Almaniya 2022-ci ildə 134,3 min avtomobil satılan "Skoda Auto" avtomobilləri üçün əsas bazar olaraq qalır ki, bu da əvvəlki illə müqayisədə cəmi 1,8% azdır. Ən çox böyüyən bazar Hindistandır, burada 51,9 min avtomobil satılıb ki, bu da 2021-ci illə müqayisədə 128% çoxdur.
Rusiyada 2022-ci ildə Çexiya şirkəti 18,3 min avtomobil satıb ki, bu da bir il əvvəlkindən 80% azdır. Çində satışlar 37% azalaraq 44,6 min avtomobil təşkil edib.
Qrupun modellərindən ən çox satış Skoda Octavia-nın payına düşüb - 141,1 min avtomobil, bu, əvvəlki illə müqayisədə 29,7% azdır. Ondan sonra Kamiq (96,3 min, mənfi 20,3%) və Kodiaq (94,5 min avtomobil, mənfi 4,2%) modelləri gəlir. / marja.az
