"Şahdağ"da qış mövsümünün başlayacağı tarix - TƏYİN OLUNUB
"Şahdağ"dağ kurortunda qış mövsümünün açılışı 17 dekabr 2022-ci il tarixində nəzərdə tutulur.
FED.az xəbər verir ki, bu barədə "Şahdağ" Turizm Mərkəzi məlumat yayıb.
"Hotellərimizdəki tutulmamış otaqları rezerv etməyə tələsin! Mövsümün açılışının dekabrın 17-nə təyin olunmasına baxmayaraq, xizək sürməyə dekabrın 15-dən etibarən gələ bilərsiniz", - məlumatda bildirilir.
Tezliklə açılış proqramı haqqında ətraflı məlumat paylaşılacaqdır.
Şahdağ Qış-Yay Turizm Kompleksinin ərazisində fəaliyyət göstərən "Zirve Hotel" yamaclara və xizək enişlərinə ən yaxın hoteldə qalmağı və xizək sürməyi təklif edir. Səhər yeməyi daxil 135 manata 2 nəfərlik otaq bron etmək mümkündür.
Bu il "Zirvə Hotel"də "Pirosmani" restoranı açılıb. Restoranda gürcüsayağı Yeni il gecəsi şənliyi keçiriləcəkdir.
