Rusiya Türkiyədən pomidor tədarükü üçün kvotanı 150 min ton artırdı
Rusiya Federasiyasının Kənd Təsərrüfatı Nazirliyi Türkiyədən pomidor tədarükü üçün kvotanı əvvəlki 350 min tondan 500 min tona qədər artırıb.
Marja.az xəbər verir ki, Rusiya Federasiyası Hökumətinin 30 noyabr 2015-ci il tarixli 1296 nömrəli Fərmanında dəyişiklik edilib.
Xatırladaq ki, Rusiya, Türkiyə Hərbi Hava Qüvvələrinin 2015-ci ilin noyabr ayının sonunda Suriyada Rusiyanın Su-24 təyyarəsini vurmasına cavab olaraq 2016-cı il yanvarın 1-dən Türkiyədən bir sıra məhsulların tədarükünə embarqo qoymuşdu. 2017-ci il noyabrın 1-də Türkiyədən pomidor idxalına qoyulan qadağa, 2018-ci il mayın 1-dən isə Rusiya ixrac edən şirkətlərin sayına qoyulan məhdudiyyəti aradan qaldırılıb. Pamidor üzrə kvota əvvəlcə 50 min ton müəyyən edilmiş, sonra bir neçə dəfə artırılıb.
