"QAZ" şirkəti "Volqa" avtomobillərinin istehsalına başlaya bilər
"QAZ" (ГАЗ) 2024-cü ildə "Volqa" brendi altında Avtomobillərin istehsalına başlaya bilər.
Marja.az Rusiya mətbuatına istinadən xəbər verir ki, indi zavod Volkswagen-in ayrılmasından sonra boş qalmış istehsal gücü üçün yeni texniki tərəfdaş axtarır.
VTB-də minimal faiz dərəcəsi ilə nağd kredit 10.99%-dən
Məlumata görə, hazırda dörd tərəf ilə danışıqlar aparılır.
"Qorki Avtomobil Zavodu (QAZ) gələn il yeni texnoloji tərəfdaşın dəstəyi ilə "Volqa" brendi altında avtomobillərin istehsalına başlaya bilər. Şirkət yaxın gələcəkdə texniki tərəfdaş haqqında qərar qəbul etmək niyyətindədir".
Bu barədə jurnalistlərə Rusiya Baş nazirinin müavini, Sənaye və Ticarət naziri Denis Manturov məlumat verilib.
"Bəli" deyən Manturov "Volqa" brendinin dirçəldilməsi layihəsinin aktuallığı ilə bağlı sualı cavablandırıb. O, texnoloji tərəfdaş cəlb etməklə bu marka altında avtomobillərin istehsalının təşkilinin planlaşdırıldığını təsdiqləyib.
"Həmkarlar deyirlər ki, yeni modelin hazırlanması təxminən 8-9 ay çəkir. Amma biz bir qədər əlavə ehtiyat müddəti götürürük: yaxın gələcəkdə partnyorla bağlı qərar vermək planlaşdırılır. Bir il vaxt tələb edə bilər. Hesab edirəm gələn yaya qədər", - Baş nazirin müavini bildirib.
Manturov onu da vurğulayıb ki, yeni tərəfdaşlıq "Volkswagen"də olduğu kimi sənaye montaj sazişi formatında təşkil edilməyəcək, söhbət birgə istehsaldan gedir.
