Müsəlman şəhəri turizmi inkişaf etdirmək üçün alkoqol vergisini - LƏĞV ETDİ
Fars körfəzinin "əyləncə paytaxtı" kimi tanınan Dubay turizmi stimullaşdırmaq üçün spirtli içkilərə tətbiq edilən 30 faizlik vergini ləğv edib. Bundan əlavə, Dubayda içki içənlərdən tələb olunan vəsiqə artıq pulsuz olacaq.
Azərbaycandan Dubaya gedən turistlərin sayı - 89% ARTIB
FED.az xəbər verir ki, Dubay bir müddətdir ki, qanunları yumşaltmağa başlamışdı. Ramazan ayında gündüz spirtli içki satışına icazə verən əmirlik pandemiya zamanı evə çatdırılmanı təsdiqləmişdi. Bu son addımın Körfəz ölkələri arasındakı rəqabətdə şəhəri əcnəbilər üçün daha cəlbedici etmək cəhdi olduğu düşünülür.
Dubayda hər on nəfərdən doqquzu əcnəbidir. Burada yaşayan qeyri-müsəlmanların evdə içki içmək, daşımaq və ya saxlamaq üçün ən azı 21 yaşı olmalıdır. Bundan əlavə, içmək istəyənlərin polis tərəfindən verilmiş spirtli içki vəsiqəsi olmalıdır. (Oxu.az)
