MG Türkiyənin elektrik avtomobil bazarında birinci yeri tutub
Böyük Britaniyada yaranmış MG həm iyul, həm də 7 aylıq satış rəqəmləri ilə Türkiyənin elektrik avtomobil bazarında birinci yeri tutub.
Marja.az xəbər verir ki, "MG Türkiyə" şirkəti (Doğan Trend Otomobil Markaları) 2023-cü ilin iyul ayında 758 ədəd, 7 ayı ərzində isə 1697 ədəd elektrik avtomobil satıb. 7 aylıq dövrdə satılan hər 3 avtomobildən biri (%33,31) elektriklə işləyən avtomobil olub.
Şirkətin baş direktorunun müavini Tibet Soysal, 2023-cü ilin ilk 7 ayında təchizat problemlərini aradan qaldırdıqlarını və keçən ilin cəmindən 3 dəfə çox avtomobil satdıqlarını söyləyib.
Soysal, "İlin 7 aylıq dövründə cəmi 5 min 94 ədəd satışa çatdıq. MG brendi olaraq biz elektrik avtomobillərində bir çox ilklərə imza atmışıq və bazarın pioneri olmağı bacarmışıq. İyul ayında biz nailiyyətlərimizə elektrikli avtomobil bazarında liderliyi əlavə etməkdən qürur duyuruq. Türkiyə daxilində diler investisiyalarımız davam edir",- deyib.
"İlk 7 aylıq dövrdə elektrik avtomobil satışlarımızda MG4 modeli 968 ədədlə birinci, MG ZS EV modeli isə 724 ədədlə ikinci olub. Avqust ayında Marvel R modelinin satışına başlamaqla elektrikli avtomobil bazarında iddiamızı daha da artıracağıq",- Tibet Soysal bildirib.
