Lada, Haval, Geely, GAZ və UAZ Rusiyada - SATIŞ LİDERLƏRİ OLUB
Rusiyada yeni avtomobillərin satışı 2023-cü ilin aprelində 2022-ci ilin eyni dövrü ilə müqayisədə 70,6% artıb.
AvtoVAZ bir sıra Lada avtomobillərinin - QİYMƏTİNİ ARTIRIB
FED.az Rusiya mətbuatına istinadən xəbər verir ki, avtomobillərin və yüngül kommersiya avtomobillərinin birbaşa idxalçılar tərəfindən rəsmi satışı 54 min 270 ədəd təşkil edib. Bu, 2022-ci ilin aprel ayı ilə müqayisədə 22 min 464 ədəd çoxdur.
Analitiklər də cari artımı, müqaysə olunan ötən ilin aprel ayındakı aşağı sayda satışlar ilə əlaqələndirirlər.
Statistikaya, Rusiya bazarının liderlərindən birinin - Chery konserninin, həmçinin daha iki sub-brend - Exeed və Omoda-nın satışı ilə bağlı məlumatlar daxil deyil. Həmçinin BMW və Mercedes-Benz Rus-un satışları ilə bağlı məlumatlar nəzərə alınmır, brendlərin baş qərargahının qərarına görə bu məlumatlar rüblük paylaşılır. Eyni şey, rüblük məlumat verən Evolute brendinə də aiddir.
Bu məlumatları nəzərə alaraq, Lada, Haval, Geely, GAZ və UAZ (ГАЗ, УАЗ) istehsalçıları Rusiyada satışda lider olublar. Apreldə Lada 27 min 635 (+225), Haval 7 min 352 (+805%), Geely 6 min 113 (+1312%), GAZ 4 min 12 (112%), UAZ 2357 (+45%) avtomobil satıb.
Ən populyar 10 modelə daxildir: Lada Granta, Lada Niva, Haval Jolion, Geely Coolray, Haval F7X, Haval F7, Geely Tugella, Changan CS35PLUS, Haval Dargo, Geely Atlas Pro.
Keçmiş liderlərdən sıfır satış
2023-cü ilin aprel ayında 16 avtomobil markası Rusiya bazarında satışların sıfır olduğunu bildirib. 2022-ci ilə qədər Rusiyada məşhur olan Renault, Nissan, Land Rover və Mitsubishi aprel ayını belə nəticələrlə başa vuraraq Rusiya bazarında satışlarını dayandırıb. Bundan başqa, Brilliance, Cadillac, Chevrolet, DFM, Foton, Hino, Infiniti, Jaguar, Lifan, Porsche, Volvo və Zotye bir dənə də olsun avtomobil satmayıb.
Ötən ilki azalma fonunda artım
Eyni zamanda, apreldəki satış rəqəmi əvvəlki illərlə müqayisədə o qədər də yüksək deyil. Məsələn, 2021-ci ilin aprel ayında Rusiyada avtomobil bazarında satışlar 290,4% artaraq 151 964 avtomobil təşkil etmişdi. Bu nisbətdə artım pandemiya səbəbindən avtomobil istehsalının dayandırıldığı 2020-ci ilin "qara aprel"inin təsiri ilə bağlı olmuşdu.
"Cari artımı da ötən ilki aşağı satışların təsiri ilə bağlıdır. Bir il əvvəl, 2022-ci ildə artıq təkliflərdə nəzərəçarpacaq azalma var idi, Rusiyanın əksər zavodlarında avtomobillərin istehsalı da dayanmışdı. Buna görə də yaxın gələcəkdə biz bazarda artımın şahidi olacağıq, çünki biz göstəriciləri Rusiyada avtomobil istehsalının və satışının bir neçə dəfə azaldığı ötən ilin aylarının göstəriciləri ilə müqayisə edəcəyik. Mənim hesablamalarıma görə, ilin sonunda artım 25-35% olacaq", - müstəqil analitik Vladimir Bespalov hesab edir. (Marja)
