Kanada ChatGPT-nin yaradıcısı ilə bağlı araşdırmaya başlayıb

Kanadanın məxfilik komissarı ChatGPT neyron şəbəkəsini hazırlayan Amerika şirkəti "OpenAI"nin fəaliyyəti ilə bağlı araşdırmaya başlayıb. İstintaq istifadəçilərin "şəxsi məlumatların razılığı olmadan toplanması, istifadəsi və açıqlanması ilə bağlı şikayətə cavab olaraq" başlanılıb", – deyə komissar bildirib.
Banker.az bu barədə Kommersant-a istinadən xəbər verir.
Bundan əvvəl İtaliya hakimiyyəti ChatGPT-nin işi ilə bağlı araşdırmaya başlamışdı. İtaliyanın Şəxsi Məlumatların Mühafizəsi İdarəsi çat-botun Aİ-də qüvvədə olan Ümumi Məlumatların Qorunması Qaydasına uyğun olub-olmadığını öyrənmək niyyətindədir.
İstintaq ChatGPT-nin işində nasazlıq səbəbindən fəaliyyətini dayandırdığı 20 Mart hadisələri ilə bağlıdır. Bu uğursuzluq istifadəçilərin şəxsi məlumatlarının sızmasına səbəb olub. İtalyan tənzimləyicisinin iddiaları arasında ChatGPT-nin istifadəçilərin yaşını yoxlamamasıdır. Bu arada, İtaliya hakimiyyəti italyan istifadəçilərinin məlumatlarını emal etmək üçün ChatGPT çat-botunun istifadəsinə müvəqqəti məhdudiyyətlər qoyub.