İran rusiyalı turistlər üçün viza verilməsini sadələşdirir

"İran qarşılıqlı əsasda rusiyalı turistlər üçün fərdi vizaların verilməsini sadələşdirməyə hazırdır".
Bu barədə İranın Moskvadakı səfiri Kazem Calali məlumat verib.
"Qrup halında turist səfərləri üçün vizaların verilməsinin sadələşdirilməsi gündəmdə olan məsələlərdən biridir və hazırda səfirlik bu istiqamətdə işlər aparır. Bununla yanaşı, biz qarşılıqlı əsasda turistlər üçün fərdi vizaların da sadələşdirilməsinə hazırıq", – deyə səfir qeyd edib.
Calali vurğulayıb ki, səyahət edənlər üçün ölkədə hər hansı təhlükə mövcud deyil və onlar rahatlıqla turistik bölgələri ziyarət edə bilərlər. / banker.az