İlkin satış qiyməti 7 800 manat olan - "Land Rover" 22 MİN MANATA SATILIB

İqtisadiyyat Nazirliyi yanında Əmlak Məsələləri Dövlət Xidməti tərəfindən martın 7-də keçirilmiş hərracda 1 kiçik dövlət müəssisəsi və obyekti, 45 nəqliyyat vasitəsi özəlləşdirilib.
Dövlət ilkin satış qiyməti 14 min manat olan maşını - 48 700 MANATA SATIB - FOTOLAR
FED.az xidmətin yaydığı məlumata istinadən xəbər verir ki, hərraca çıxarılan dövlət əmlaklarına ümumilikdə 347 sifariş qəbul edilib, bunun 49-u elektron qaydada həyata keçirilib.
Özəlləşdirilən obyekt Şirvan rayonunda yerləşən 27 saylı mağazadır (Torpaq sahəsi ilə birgə özəlləşdirilib). Şirvan şəhəri, 1 May küçəsi, 19 ünvanında yerləşən 292 kv.m sahəsi və 1797.9 kv.m torpaq sahəsi olan mağaza 26 min maata özəlləşdirilib.
Budəfəki hərracda nəqliyyat vasitələrinə maraq böyük olub və avtomobillər rəqabətli şəkildə satılıb. Belə ki, ilkin satış qiyməti 7 800 manat olan "Land Rover" markalı avtomobilə edilən ən son təklif 22 000 manata yüksəlib. Bundan başqa, ilkin satış qiyməti 5 500 manat olan "QAZ 3302-14" markalı nəqliyyat vasitəsi 12 055 manata satılıb.
7 mart hərracında satılan əmlaklar üzrə dövlət büdcəsinə 323 760 manat vəsaitin ödənilməsi nəzərdə tutulur. Hərracda özəlləşdirilən əmlakların siyahısı ilə buradan tanış olmaq mümkündür: (https://clck.ru/33ihWp)