"Hyundai" yenilənmiş "Sonata"nı təqdim edib – Fotolar

"Hyundai" şirkəti 2023-cü ildə bazara çıxacaq "Sonata" sedanının yenilənmiş versiyasını təqdim edib. Sedanın fərqləndirici xüsusiyyəti işıqlı zolaqla birləşdirilmiş faralar və fənərlər olub.
Banker.az bu barədə Kommersant-a istinadən xəbər verir.
İnteryer vahid modulda birləşdirilmiş iki 12.3 düymlük displey, rəqəmsal cihazlar paneli və multimedia sistemi əldə edib. Yeniliyin avadanlıqları barədə məlumat verilmir.
Yenilənmiş sedan haqqında ətraflı məlumat, o cümlədən texniki göstəricilər modelin martın 30-da təqdimatı zamanı açıqlanacaq. Xatırladaq ki, "Hyundai Sonata"nın indiki nəsli 2019-cu ildən istehsal olunur.