"Hyundai" da Rusiya bazarını - TƏRK EDİR

Cənubi Koreyanın avtomobil istehsalçısı "Hyundai Motor" zavodlarını Qazaxıstan şirkətinə sataraq Rusiya bazarını tərk etmək niyyətindədir.
FED.az xəbər verir ki, şirkət Rusiya hakimiyyətinin qərarını gözləyir.
Sövdələşmənin şərtlərinə "Hyundai Motor"un istənilən vaxt aktivləri geri ala biləcəyi müddəa daxildir.
Sankt-Peterburqdakı "Hyundai" avtomobil zavodu 2022-ci ilin martında komponentlərin tədarükü ilə bağlı çətinliklərə görə avtomobillərin istehsalını dayandırıb. Buna qədər müəssisədə "Hyundai Solaris", "Hyundai Creta", "Kia Rio" və "Kia Rio X-Line" modelləri istehsal olunurdu. 2010-cu ildə işə salınan zavodun istehsal gücü ildə 200 mindən çox avtomobil təşkil edirdi. (Azərtac)