Gömrük Komitəsi "Mercedes-Benz"in Azərbaycandakı Distribütorunu cərimələyir
"Avtokapital-Azərbaycan" MMC barəsində gömrük qaydaları əleyhinə olan inzibati xəta protokolu tərtib edilib.
Banker.az xəbər verir ki, protokol İnzibati Xətalar Məcəlləsinin 485.2-ci maddəsi yazılıb.
Dövlət Gömrük Komitəsinin tərtib etdiyi protokol Bakı Şəhəri Yasamal Rayon Məhkəməsinə göndərilib, işə baxan hakim Rəşad Cavadzadədir.
İnzibati Xətalar Məcəlləsinin 485.2-ci maddəsinə əsasən, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
Qeyd edək ki, "Avtokapital-Azərbaycan" MMC – 2012-ci ildən Almaniya Federativ Respublikasının Daimler AG şirkətinin rəsmi distribyutoru olmaqla Mercedes-Benz markalı nəqliyyat vasitələrinin və onların ehtiyat hissələrinin Azərbaycan Respublikasına yeganə rəsmi idxalçısıdır.
