FT: Qlobal avtomobil istehsalçıları Çindən çıxırılar
Beynəlxalq avtomobil istehsalçıları dünyanın aparıcı satış bazarına çevrilmiş Çindən səssizcə çıxmağa başlayıblar. "Financial Times" sənaye nümayəndələrinə və ekspertlərə istinadən yazır ki, şirkətlərin bu gedişinin arxasında Çin hakimiyyətinin sərt anti-virus siyasəti ilə bağlı qeyri-müəyyənlik, eləcə də Çinlə münasibətlərin pisləşməsi qorxusu dayanır.
Banker.az bu barədə "Kommersant"a istinadən xəbər verir.
"Volvo Car"ın rəhbəri Cim Rouanın sözlərinə görə, "pandemiya nə qədər uzun sürərsə, ətrafda bir o qədər qeyri-müəyyənlik yaranır". Şirkət artıq bu ilin əvvəlində qeyri-Çin ehtiyat hissələrinin istifadəsini genişləndirdiyini açıqlamışdı.
"Ford"un sözçüsü Ted Kannis öz növbəsində hesab edir ki, "bütün avtomobil sənayesi hazırda logistika əməliyyatlarının kütləvi şəkildə yenidən qurulmasından keçir" və "təchizat zəncirləri yaxın onillikdə diqqət mərkəzində olacaq".
"Mazda" həmçinin bir sıra hissələrin istehsalını Çindən Yaponiyaya köçürdüyünü açıqlayıb. "Honda" tədarük zənciri riskini məhdudlaşdırmaq variantlarını nəzərdən keçirir, baxmayaraq ki, o, Çindən öz avtomobillərində və motosikletlərində mümkün qədər az hissədən istifadə etmək istədiyinə dair media məlumatlarını təsdiqləməmişdir. Beləliklə, hətta Çin bazarından daha az asılı olan yapon şirkətləri də orada iştiraklarını azaltmağa başlayıblar, "FT" qeyd edir.
Bu arada, ekspertlərin fikrincə, dünyanın böyük avtomobil istehsalçıları Çin bazarını böyüklüyünə görə tamamilə tərk edəcəklər. Bununla belə, Çindən tədarüklərin həcminin tədricən azalacağı, orada xarici avtomobil istehsalçıları üçün istehsal olunan komponentlər və avtomobillərin yalnız Çin daxilində istifadə ediləcəyi gözlənilir. Bu, xarici şirkətlərə Çindəki fabriklərini təchiz etməklə yanaşı, Çin təchizatçılarından asılılığını məhdudlaşdırmağa imkan verəcək.
