Ford elektrik yük maşınları istehsal edəcək
Ford, 5,6 milyard dollarlıq investisiya ilə həyata keçirdiyi "BlueOval City" zavodunda elektrik yük maşınları istehsal edəcəyini açıqlayıb.
İldə 500 min ədəd elektrik avtomobili istehsal gücünə malik zavodda ilk elektrik yük maşınının 2025-ci ildə xəttdən çıxması planlaşdırılır.
İnvestisiya ilə bağlı Ford İdarə Heyətinin sədri Bill Ford deyib: "BlueOval City Ford-un dünyanın elektrik gələcəyi üçün planıdır".
XXX
Amerika avtomobil nəhəngi Ford, 5,6 milyard dollarlıq sərmayə ilə həyata keçirdiyi Tennessi ştatının Stanton yaxınlığındakı elektrik avtomobil istehsalı mərkəzi olan BlueOval City zavodunda 2025-ci ildə elektrikli yük maşını istehsalına başlayacaq.
Marja xəbər verir ki, ildə 500 min elektrikli avtomobil istehsal gücünə malik zavodda xəttdən çıxan ilk vasitə 2025-ci ildə Project T3 kod adlı yeni nəsil elektrik yük maşını olacaq.
Gələcək elektrik avtomobillərinin və akkumulyator hüceyrələrinin istehsalının mərkəzi olacaq BlueOval City-nin tikintisinə keçən payızda başlanılıb.
Ford İdarə Heyətinin sədri Bill Ford, "BlueOval City dünyanın elektrikləşdirilmiş gələcəyi üçün Ford-un planıdır. Biz planetlə ahəngdar işləyən, biznesin inkişafı və innovasiyaları ətraf mühitin inkişafı ilə uyğunlaşdıran qabaqcıl istehsal müəssisəsində inqilabi elektrik avtomobilləri istehsal edəcəyik" deyib. / marja.az
