Fəvvarələr meydanında tikinti işləri dayandırıldı, qanunsuz tikili sökülür

Azərbaycan Respublikası Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən Nigar Rəfibəyli küçəsində (Fəvvarələr meydanı) şəhərsalma nəzarəti qaydasında monitorinq zamanı heç bir razılıq olmadan tikinti işlərinin aparıldığı müəyyən edilərək dərhal dayandırılmışdır.
Bu barədə Marja.az-a Azərbaycan Respublikasının Dövlət Şəhərsalma və Arxitektura Komitəsi Ümumi işlər və ictimaiyyətlə əlaqələr şöbəsindən bildirilib.
VTB-də minimal faiz dərəcəsi ilə nağd kredit 10.99%-dən
Bununla bağlı Komitə tərəfindən şəhərsalma nəzarəti qaydasında aidiyyəti üzrə Bakı Şəhər İcra Hakimiyyəti və Səbail Rayon İcra Hakimiyyətinə məlumat verilərək qanunvericiliklə müəyyən edilmiş tədbirlərin görülməsi barədə müraciət edilmişdir.
Komitənin Baş İdarəsi tərəfindən dayandırılan və nəzarətə götürülən qanunsuz tikili ilə bağlı söküntü işləri artıq başlanılıb.
Şəhərimizin nəbzinin qorunmasına biganə olmayan vətəndaşlarımıza təşəkkür edirik.