Ərdoğan Özbəkistan prezidentinə də Togg elektromobilini göndərir
Özbəkistan prezidenti Şavkat Mirziyoyev yaxın vaxtlarda Türkiyənin yeni Togg T10X elektromobilini alacaq.
Marja xəbər verir ki, bunu bazar günü Türkiyə prezidenti Rəcəb Tayyib Ərdoğan İstanbulda mitinqdə çıxışı zamanı deyib.
Bundan əvvəl aprelin 4-də Azərbaycan Prezidenti İlham Əliyevə Bakıda Togg elektromobili təqdim edilib.
"Togg artıq ölkənin yollarında hərəkət edir. Onlardan biri, qardaşım, Azərbaycan Prezidenti İlham Əliyev təqdim edilib. Digər birini qardaşım Özbəkistan Prezidenti Şavkat Mirziyoyevə göndəririk", - o deyib.
Ərdoğan əlavə edib ki, il ərzində respublika vətəndaşları üçün bu elektromobillərdən 20 min ədəd istehsal etmək planlaşdırılır.
T10X avtomobilləri martın 14-də satışa çıxarılıb (öncədən sifariş ilə). Bir dəfə enerji yığdıqda 314 km məsafə qət edən standart versiya 923 min türk lirəsinə (48,5 min dollar), 523 km məsafəyə malik versiya isə 1 milyon 215 min türk lirəsinə (63,9 min dollar) başa gəlir. Avtomobilin istehsal edildiyi müəssisə ölkənin qərbində, Bursada (Gemlik bölgəsi) yaradılıb. İstehsalçı bildirir ki, elektromobilin 80% doldurulması 30 dəqiqəyə baş verir. / marja.az
