Dubay hava limanı ilin hava limanı seçilib

"Aviation Business Awards 2022"nin nəticələrinə görə Dubay Beynəlxalq Hava Limanı ilin hava limanı seçilib.
Marja xəbər verir ki, bu barədə bazar ertəsi "Al Arabiya" telekanalı mərasimin təşkilatçısına istinadən məlumat yayıb.
Bu ad,  nümayiş etdirilən misilsiz biznes nailiyyətlərinə görə verilir.
Məlumata görə, 2022-ci ilin birinci yarısında hava limanının xidmətlərindən 28 milyon sərnişin istifadə edib ki, bu da 2021-ci ilin eyni dövrü ilə müqayisədə üç dəfə çoxdur. "Al Arabiya" qeyd edir ki, hava limanı müştərilərə heyrətamiz təcrübələr təqdim edərək xidmətlərinin keyfiyyətini artırıb.
Dubay Hava Limanı artıq səkkizinci ildir ki, bu mükafatı alır.
Aviation Business Awards 2007-ci ildən etibarən Aviation Business Middle East jurnalı tərəfindən təşkil olunur. Mükafatlar 13 kateqoriya üzrə verilir. / marja.az