Çip çatışmazlığı fonunda Volkswagen-in avtomobil satışı azalıb
Audi, Bugatti, Seat, Skoda, Porsche və Volkswagen markalarının daxil olduğu Volkswagen Qrupu, 2022-ci ildə Volkswagen markası üzrə avtomobil satışı rəqəmlərini açıqlayıb.
Marja xəbər verir ki, Volkswagen markalı avtomobil satışı (tədarükü) 2021-ci illə müqayisədə 2022-ci ildə 6,8% azalaraq 4,56 milyon ədədə düşüb. Tədarükün azalması çip alışında davam edən problemlərdir.
Alman istehsalçının elektrikli avtomobil satışı keçən il 23,6% artaraq 330 minə çatıb.
Qeyd edək ki, Volfsburqda yerləşən şirkətin ən böyük satış bazarı olan Çində elektrikli avtomobillərin satışı 102,9 faiz artıb.
Volkswagen, tədarük zəncirində davam edən çətinliklərə görə istehsal və satışdakı dalğalanmaların 2023-cü ildə davam edəcəyini və vəziyyətin il ərzində tədricən sabitləşəcəyini gözlədiyini açıqlayıb. / marja.az
