Çin lideri Moskvanı gizli limuzin ilə gəzib
Si Cinpin Rusiyaya rəsmi səfər edib. Çin lideri "gizli" Hongqi N701 ilə ölkənin paytaxtını gəzib.
Marja.az Rusiya mətbuatına istinadən xəbər verir ki, Hongqi N701 gizli model hesab olunur, ona görə də bu barədə çox az məlumat var. Bu məlumdur ki, yaxın 10 il ərzində Hongqi brendinin sahibi olan FAW şirkəti bu avtomobildən yalnız 50 ədəd istehsal edəcək. Modelin xarici görünüşü kifayət qədər mühafizəkardır, dizaynı isə bir çox cəhətdən Toyota Century, Rolls-Royce Ghost və Aurus Komendant modellərini xatırladır.
Avtomobilin salonu barədə təfərruatlar hələ açıqlanmayıb. Çin mediası Hongqi N701-in yeni 6 litrlik 12 silindrli mühərriklə təchiz olunduğunu fərz edir. Bu mühərrik FAW mütəxəssisləri tərəfindən xüsusi olaraq Hongqi modelləri üçün hazırlanmışdır. Güc blokunun qüvvəti 762 at gücü və 1100 N·m fırlanma anı təşkil edir.
Belarus prezidenti Aleksandr Lukaşenko Çinə səfəri zamanı retro görünüşlü Hongqi L5 limuzini ilə təmin olunmuşdu.
