Çin avtomobil istehsalçıları Rusiya bazarının 52%-ni tutub

Çin avtomobil istehsalçıları Rusiya bazarının 52%-ni tutub.
Marja.az xəbər verir ki, bu barədə "Avtostat" analitik agentliyinin məlumat yayıb.
Onların payı iyun ayı ilə müqayisədə iyulda 3 faiz bəndi artıb. 2022-ci ilin iyul ayı ilə müqayisədə Çin brendlərinin payı 28 faiz bəndi artıb.
Satışların həcminə görə Chery lider olaraq qalır (iyul ayında 10 min 735 avtomobil satılıb ki, bu da ötən ilin müvafiq dövrü ilə müqayisədə 4,2 dəfə və iyun ayı ilə müqayisədə 6,5% çoxdur). İkinci yeri Geely (8 min 785 avtomobil, keçən ilin müvafiq dövrü ilə müqayisədə 3,8 dəfə və iyun ayı ilə müqayisədə 27,3% çoxdur) tutub. İlk üçlüyü "Haval" qapayır (8 min 548 ədəd, bu, keçən illə müqayisədə dörd dəfə və 2023-cü ilin iyun ayı ilə müqayisədə 3,3% çoxdur).
Eyni zamanda, Rusiya avtomobil istehsalçılarının payı azalıb. Əgər 2023-cü ilin iyun ayında yerli brendlər Rusiya avtomobil bazarının 32%-nə nəzarət edirdisə, indi cəmi 31%-dir. Buna baxmayaraq, ötən ilin iyul ayı ilə müqayisədə rus brendləri öz paylarını 7% bəndi (24-dən 31%-ə) artırıblar.
Bundan əvvəl 2023-cü ilin iyul ayında Rusiyada 95 min 654 ədəd yeni avtomobilin satıldığını bildirmişdi. Bu, 2022-ci ilin iyul ayı ilə müqayisədə 168,8%, 2023-cü ilin iyun ayı ilə müqayisədə isə 16,1% çoxdur.