Bu gecədən Azadlıq prospekti/Neftçilər prospekti kəsişməsi - nəqliyyata bağlanır - Formula-1

Bakıda keçiriləcək Formula-1 yarışı ilə əlaqədar aprelin 9-u gecədən Bakının iki əsas prospekti - Azadlıq prospektinin Neftçilər prospekti ilə kəsişməsi nəqliyyata bağlanacaq.  
Bakı Şəhər Halqası Əməliyyat Şirkəti (BŞH) aprelin 28-30-da təşkil olunacaq Formula 1 Azərbaycan Qran-Prisinə hazırlıq çərçivəsində trekin keçdiyi yollarda tikinti-quraşdırma işlərini davam etdirir.
BŞH-dən FED.az-a bildiriblər ki, bu gecə saat 22:00-dan etibarən Neftçilər prospekti boyunca beton blokların quraşdırılması səbəbindən Azadlıq prospektinin Neftçilər prospekti ilə kəsişməsi nəqliyyata bağlı olacaq.
BŞH vətəndaşlara tikinti-quraşdırma işləri zamanı göstərdikləri anlayışa görə öncədən təşəkkür edir.