"Bolt"da yenilik: Bir-birini bəyənməyən sürücü-sərnişin bir də görüşməyəcək

"Bolt" şirkəti Azərbaycanda birgə səfər zamanı narahatlıq hiss edən sürücü və sərnişinləri bir-birindən ayırmaq funksiyasını işə salıb.
Şirkətdən FED.az-a verilən məlumata görə, xidmət həm istifadəçilər, həm də Bolt-un tərəfdaşları olan sürücülər üçün daha da rahat səfərlərin təşkil edilməsi məqsədilə yeni "Unmatching driver-rider" (Uyğun olmayan sürücü-sərnişin) funksiyasını əlavə edib.
"Unmatching driver-rider" funksiyası tərəflərdən ən azı birinin gedişi bəyənmədiyi halda istifadəçini və sürücünü bir-birindən ayırmağa imkan verən funksiyadır.
Başqa sözlə, əgər sərnişin səfərin sonunda sürücüyə aşağı qiymət verərsə və ya əksinə olarsa, Bolt xidməti bir daha həmin sürücü və sərnişinə bir-biri ilə səfər etməyi təklif etməyəcək.