"Bolt Azərbaycan"dan qiymət artımı ilə bağlı açıqlama

Bolt şirkəti, qarlı hava şəraitilə əlaqədar olaraq güdiş haqlarının artdığı barədə xəbərlərə münasibət bildirib.
Marja.az-a daxil olan məlumata görə, Bolt şirkətinin Azərbaycandakı ofisindən Naim Əzizov bildirib ki, qiymət artımı Bolt proqramının hesablama prinsipi ilə əlaqədardır. 
"Taksi çağırma bazarı dinamik qiymət prinsipi əsasında fəaliyyət göstərir. Tələb və təklif arasında disbalans olduqda, alqoritmlər pik əmsallardan istifadə edir. Bu o deməkdir ki, tələbin (sərnişinlərin sayı) çox sürətlə artdığı və təklifi (sürücülərin sayını) üstələdiyi bir şəraitdə səfərin yekun dəyəri də arta bilər. Vaxt keçdikcə tələb və təklif balansı bərpa edildikdə, qiymət avtomatik olaraq azalacaq",- Naim Əzizov qeyd edib.
Naim Əzizov qeyd edib ki, gediş haqqına baza tarifi, gediş vaxtı kimi amillər ilə bərabər tələb və təklif də təsir göstərir. Buna görə, pis hava şəraiti, yol işləri və s. kimi hadisələr də qiymətin formalaşmasına rol oynayır.