BMW 2030-cu ilə qədər hidrogenlə çalışan avtomobil istehsalına başlamaq niyyətindədir
Almaniyanın BMW Group şirkəti bu onilliyin sonuna kimi sıfır emissiyaya malik hidrogen yanacağı ilə çalışan avtomobillərin istehsalına başlamağı planlaşdırır.
Marja xəbər verir ki, bu barədə bazar ertəsi "The Times" qəzeti şirkətin texnologiya departamentinin rəhbəri Yurgen Quldnerə istinadən məlumat yayıb.
"Biz belə avtomobillərin istehsalına bu onilliyin ikinci yarısında başlayacağıq" Quldner deyib. "Mən əminəm ki, hidrogen gələcəkdir", - deyə o, BMW iX5 Hydrogen SUV-nin seriya istehsalının perspektivlərindən danışaraq əlavə edib.
BMW, nəşrə görə, Avropada belə avtomobillərin ilk iri istehsalçısı ola bilər.
Hazırda aparıcı şirkətlərdən cəmi ikisinin hidrogen ilə çalışan minik avtomobili var - Toyota Mirai və Hyundai Nexo. / marja.az
