Bakı və Kişinyov arasında birbaşa aviareys açılıb

"Air Moldova" aviaşirkəti Moldovanın paytaxtı Kişinyov və Bakı arasında ilk uçuşunu həyata keçirib.
Bu barədə aviaşirkətin "Facebook" səhifəsində bildirilir.
Bildirilir ki, ilk aviareys artıq martin 28-də həyata keçirilib.
"Air Moldova" Kişinyovdan Bakıya həftədə üç dəfə - çərşənbə axşamı, cümə axşamı və şənbə günləri müntəzəm uçuşlar həyata keçirəcək. Uçuş müddəti 3 saat 20 dəqiqədir.
Bakıdan Kişinyova da reyslər həftədə üç dəfə - çərşənbə, cümə və bazar günləri həyata keçiriləcək. Uçuş müddəti 3 saat 40 dəqiqədir. / marja.az