Bakı-Ağstafa marşrutu üzrə 20 mart tarixinə sayca 2-ci reys təyin edildi

"Azərbaycan Dəmir Yolları" Qapalı Səhmdar Cəmiyyəti Novruz bayramı ilə əlaqədar Bakı-Ağstafa marşrutu üzrə artmaqda olan sərnişin tələbatını qarşılamaq məqsədilə 20 mart tarixinə sayca 2-ci reys təyin edir.
QSC-nin yaydığı məlumatda bildirilir ki, müvafiq tarixdə Bakı Dəmiryol Vağzalından saat 08.25-də yola düşən qatar mənzilbaşına saat 13.20-də çatacaq. 
Ənənəvi qrafik üzrə isə hər gün saat 08:45-də Bakıdan Ağstafaya yola düşən qatar saat 13:40-da təyinat nöqtəsinə çatacaq. 
Xatırladaq ki, "Azərbaycan Dəmir Yolları" QSC mart ayının 18-dən etibarən Bakı-Gəncə-Bakı istiqamətində hərəkət edən sürətli qatarın marşrutunu Ağstafa stansiyasına qədər uzadaraq Bakı-Ağstafa-Bakı marşrutu üzrə ilk dəfə sürətli qatarla sərnişin daşımalarını həyata keçirəcək. / marja.az