"Azercell" ağacların "qanunsuz kəsilməsinə görə" ₼25 min cərimə edilə bilər
"Azercell Telekom" MMC məhkəməyə verilib.
Banker.az-ın məlumatına görə, şirkətlə bağlı İXM-nin 253.2-ci maddəsi ilə (Ətraf mühitin mühafizəsi, təbiətdən istifadə və ekoloji təhlükəsizlik qaydaları əleyhinə olan inzibati xətalar) protokol hazırlanıb.
Bu maddəyə əsasən, meşə fonduna daxil olmayan ağac və ya kol əkililərinin qanunsuz kəsilməsinə (götürülməsinə) və ya məhv edilməsinə görə fiziki şəxslər iki min manat miqdarında, vəzifəli şəxslər dörd min manat miqdarında, hüquqi şəxslər iyirmi beş min manat miqdarında cərimə edilir.
İşə Salyan Rayon Məhkəməsində hakim Ənnağı Məmmədlinin sədrliyi ilə baxılacaq. Salyan rayonu üzrə Azərbaycan Respublikası Ekologiya və Təbii Sərvətlər Nazirliyinin Regional Ekologiya və Təbii Sərvətlər İdarələri baxır.
Protokol təsdiq olunsa, "Azercell Telekom" iyirmi beş min manat məbləğində cərimə edilə bilər.
