Azərbaycanın bölgələrdəki hava limanlarına uçuşların təşkil edilməsi ilə bağlı "WizzAir" ilə danışıqlar aparılır

Ölkəmizdə 8 beynəlxalq hava limanı mövcuddur, eyni zamanda, ölkə üzrə 9-cu, azad edilmiş torpaqlarda 3-cü aeroport olacaq Laçın Beynəlxalq Hava Limanı da tikilməkdədir.
 Marja xəbər verir ki. bunu "Azərbaycan Hava Yolları" Qapalı Səhmdar Cəmiyyətinin birinci vitse-prezidenti Samir Rzayev bildirib.
O qeyd edib ki, hava limanlarının fəaliyyətindən danışarkən, AZAL regional hava limanlarından beynəlxalq istiqamətlər üzrə yalnız Rusiyaya ə Türkiyəyə uçuşlar həyata keçirir. O cümlədən Naxçıvan-Gəncə-Naxçıvan istiqaməti də mövcuddur və Şuşaya turların təşkili üçün Füzuli hava limanına mütəmadi uçuşların həyata keçirilməsi planlaşdırılır:
"Hazırda aşağıbüdcəli aviaşirkət olan "WizzAir" ilə regional hava limanlarına uçuşların təşkil edilməsi ilə bağlı danışıqlar aparılır. Daha öncə qeyd etdiyim kimi, biz bütün regional aeroportlarımızı xarici aviaşirkətlərə baza hava limanı qismində də təqdim etməyə hazırıq və bunun üçün mövcud şərait də var".
Həmçinin oxu
"AZAL tarixində ilk dəfə olaraq maliyyə ilini xalis mənfəətlə başa vurub" - MÜSAHİBƏ
/ marja.az