Azərbaycanda istehsal olunan avtomobillər anbarlarda tozlanır

2023-cü ilin yanvar-fevral aylarında Azərbaycanda 456 ədəd minik avtomobili istehsal edilib (yığılıb və ya montaj olunub).
Marja.az Dövlər Statistika Komitəsinin aylıq hesabatına istinadən xəbər verir ki, 2022-ci ilin eyni dövrü ilə müqayisədə minik avtomobillərinin istehsalı 64,6% artıb.
İstehsalda artım ilə bərabər anbarlarda yığılan hazır avtomobillərin sayı 2023-cü ilin ilk 2 ayındakı istehsal sayından çoxdur. Belə ki, 01.03.2023-cüil vəziyyətinə hazır məhsul ehtiyatı 465 ədəd təşkil edib.
Eyni zamanda, 2023-cü ilin yanvar-fevral aylarında Azərbaycanda 164 ədəd traktor, 112 ədəd yük avtomobili istehsal olunub. İstehsal müvafiq olaraq 2,8 dəfə və 2,2 dəfə artıb. 01.03.2023-cü il vəziyyətinə traktor üzrə hazır məhsul ehtiyatı 16 ədəd, yük avtomobilləri üzrə 9 ədəd olub.
Qeyd edək ki, Azərbaycanda avtomobillər Nefçala, Naxçıvan, Gəncə və Hacıqabulda olan zavodlarda istehsal olunur.