"Azərbaycan Dəmir Yolları"nın rəhbərliyi Tovuz və Ağstafada olub, fəaliyyəti bərpa oluna biləcək sərnişin stansiyalarının vəziyyəti müzakirə edilib

Bu gün Bakı-Ağstafa-Bakı marşrutu üzrə sınaq səfəri təşkil olunub. 
Bu məqsədlə başda Sədri Rövşən Rüstəmov olmaqla "Azərbaycan Dəmir Yolları" Qapalı Səhmdar Cəmiyyətinin (ADY) rəhbərliyi Tovuz və Ağstafa Dəmiryol Stansiyalarında hazırlıqlara baxış keçirib, müvafiq marşrut üzrə yaxın gələcəkdə fəaliyyəti bərpa oluna biləcək sərnişin stansiyalarının texniki vəziyyəti müzakirə edilib.
Marja xəbər verir ki, bu barədə ADY-nin Facebook səhifəsində məlumat verilib.
Xəbər verdiyimiz kimi, "Azərbaycan Dəmir Yolları" Qapalı Səhmdar Cəmiyyəti (ADY) mart ayının 18-dən etibarən Bakı-Gəncə-Bakı istiqamətində hərəkət edən sürətli qatarın marşrutunu Ağstafa stansiyasına qədər uzadaraq Bakı-Ağstafa-Bakı marşrutu üzrə ilk dəfə sürətli qatarla sərnişin daşımalarını həyata keçirəcək. Sərnişinlər Bakıdan Ağstafaya 2020-ci ilin martına qədər fəaliyyət göstərən sərnişin qatarı ilə 8 saata çatdırılırdısa, artıq bu məsafə 4 saat 55 dəqiqəyə qət olunacaq.
HƏMÇİNİN  OXU:
/ marja.az