"Azərbaycan Dəmir Yolları" daha 10 yeni qatar alır
"Azərbaycan Dəmir Yolları" QSC daha 10 yeni sərnişin qatarının alınmasına dair müqavilə bağlayıb.
Bunu jurnalistlərə açıqlamasında səhmdar cəmiyyətinin sədri Rövşən Rüstəmov bildirib.
İllik 12.99%-dən 40 000 AZN-dək zaminsiz komissiyasız kredit!
Onun sözlərinə görə, qatarların bir hissəsi gələn ilin sonuna qədər ölkəyə gətiriləcək.
"Yeni qatarların bir hissəsi Bakı-Sumqayıt xəttində, digər hissəsi isə regionlara sərnişin daşımalarında istifadə ediləcək", - deyə sədr qeyd edib.
Horadiz-Ağbənd dəmir yolu xəttində işlər 40 %-dən çox icra edilib
Rövşən Rüstəmov bildirib ki, "Azərbaycan Dəmir Yolları" QSC Horadiz-Ağbənd dəmir yolu xəttində işləri 40%-dən çox icra edib.
"Xəttin keçdiyi ərazidə minatəmizləmə işləri demək olar ki tamamlanıb. Hazırda təmas və mühafizə zolaqlarının minalardan təmizlənməsi prosesi gedir. Tikinti işlərində proqres 40 %-dən artıqdır", - deyə o qeyd edib.
İllik 12.99%-dən 40 000 AZN-dək zaminsiz komissiyasız kredit!
© "Report" / marja.az
