"AZAL tezliklə Bakıdan İslamabada uçuşlara başlayacaq"

"Biz turizm sahəsində əməkdaşlığı inkişaf etdirmək istəyirik".
Marja xəbər verir ki, bunu Azərbaycanda səfərdə olan Pakistanın Baş naziri Şahbaz Şərif Azərbaycan Prezidenti İlham Əliyevlə birgə mətbuat bəyanatı zamanı deyib.
Şahbaz Şərif əəlavə edib: "Mən çox məmuniyyətlə qeyd edə bilərəm ki, AZAL tezliklə Bakıdan İslamabada uçuşlara başlayacaq. Təbii ki, Pakistan Beynəlxalq Hava Yolları da əməkdaşlıq edəcək. Bildiyim qədəri ilə Lahora və Kəraçiyə də reyslər açıla bilər. Mən bu məsələləri müzakirə etmək üçün Azərbaycanın nəqliyyat nazirini Pakistana səfərə dəvət edirəm".
XXX
"Azərbaycan və Pakistan şəhərləri arasında, xüsusilə də paytaxtlar arasında uçuşların sayı artırılacaq".
Bu barədə Azərbaycan Prezidenti İlham Əliyev Pakistanın Baş naziri Məhəmməd Şahbaz Şərif ilə mətbuata bəyanatında bildirib.
Pakistanın Baş naziri Şahbaz Şərifin bu səfərinin yaxşı nəticəsinin olacağını deyən dövlətimizin başçısı, həmçinin qeyd edib: "Təhsil sahəsində də böyük potensialı görürük. Bu gün Azərbaycanda Pakistandan olan 750 tələbə təhsil alır. Biz daha çox pakistanlı qardaşlarımızı burada görmək istəyirik. Eyni zamanda, Pakistanda təhsil alan azərbaycanlılar var və bu gün onlar müxtəlif sahələrdə təhsil alıb qayıdaraq ölkəmizə töhfələrini verirlər". / marja.az