"AZAL-ın təyyarələrinin orta yaşı 11-dir, bu, təyyarələrin saxlanılması xərclərini çoxaldır"
"AZAL-ın 2030-cu ilə qədər hədəfləri Strateji İnkişaf Planında öz əksini tapıb - burada əsas məsələ köhnə təyyarələrin tədricən istismardan çıxarılması və yeni geniş gövdəli və dar gövdəli hava gəmilərindən ibarət donanmanın formalaşdırılmasıdır ki, bu da öz növbəsində müəyyən xərclərə əhəmiyyətli qənaət etmək imkanı yaradır".
Marja xəbər verir ki, bunu "Azərbaycan Hava Yolları" Qapalı Səhmdar Cəmiyyətinin birinci vitse-prezidenti Samir Rzayev bildirib.
O qeyd edib ki. hazırda AZAL-ın təyyarə parkını müxtəlif növlərdən ibarət 29 hava gəmisi təşkil edir və təyyarələrin orta yaşı 11-dir: "Bu da istər təyyarələrin saxlanılması, istərsə də təyyarələrə xidmət göstərən işçi heyətin hazırlanması baxımından xərclərin çox olmasına gətirib çıxarır. Bu xərclərdən qurtulmaq üçün biz Strateji İnkişaf Planımızda da 2030-cu ilədək parkımızda yalnız 2 növ hava gəmisinin saxlanmasını nəzərdə tuturuq. Parkımız dar gövdəli hava gəmiləri üzrə yalnız "Airbus A320 Neo" sinfi, genişgövdəli hava gəmiləri isə "Boeing 787 Dreamliner" tipli hava gəmilərindən ibarət olacaqdır".
Həmçinin oxu
"AZAL tarixində ilk dəfə olaraq maliyyə ilini xalis mənfəətlə başa vurub" - MÜSAHİBƏ
/ marja.az
