"Avtomobillərin utilizasiyası ilə bağlı qanunun hazırlanması və qəbul olunması daha məqsədəuyğundur"
Bir sıra region ölkələrinin, eləcə də Avropa İttifaqına üzv dövlətlərin təcrübəsini nəzərə alsaq, avtomobillərin utilizasiyası ilə bağlı ayrıca qanunun hazırlanması və qəbul olunması daha məqsədəuyğundur. Çünki istehsalat tullantılarının utilizasiyası ilə maşınların utilizasiyası fərqli prosesdir.
Azərbaycana gətirilən avtomobillərlə bağlı - YENİ QAYDALAR - ƏLAVƏ HAQQ ÖDƏNİLƏCƏK
FED.az xəbər verir k, bu barədə deputat Vüqar Bayramov deyib.
"Utilizasiya ilə bağlı 2 fərqli praktika var: Bunlardan biri ABŞ, digəri Avropa İttifaqının praktikasıdır. Hər ikisində utilizasiya prosesi 12 ildir. Beynəlxalq praktikada utilizasiya müddəti 12 il götürülsə də, bizim layihədə bu, 4 il müəyyən edilir. Bunun əsaslandırılmasına ehtiyac var. İşlənmə müddəti dörd ildən artıq olan avtomobillərin utilizasiyaya cəlb edilməsi praktiki olaraq idxal avtomobillərinin xərcini artıracaq. Buna görə də, ödəmə üsullarının konseptual olaraq təkmilləşdirilməsi və vauçerlə nağd ödəniş arasında əlaqənin formalaşdırılmasına ehtiyac var", - deyə deputat qeyd edib. (Azərtac)
