Avtomobil icarəsi
Arenda masinlar son illərdə populyarlaşan və yol rahatlığını sevən
insanların ən çox üz tutduğu xidmətdir. İnsanlar səyahət zamanı
və ya gündəlik həyatlarında ehtiyac duyduqları zaman avtomobil
almaq yerinə avtomobil icarəyə götürməyə üstünlük verirlər.
Avtomobillərin yol texnikası olması onda yaranacaq problemləri
qaçınılmaz edir. Təbii ki, həmin problemlər avtomobil
icarələrindən də yan keçmir. Qısacası avtomobil icarəsinin həm
müsbət, həm də mənfi cəhətləri mövcuddur.
Avtomobil icarəsinin müsbət cəhətləri
Avtomobil icarəyə götürməyin ilk və ən bariz üstünlüyü
istifadəçiləri rahatlıqla təmin etməsidir. Səyahət etdiyiniz şəhərdə
və ya kurortda avtomobil sürmək istəyirsinizsə, avtomobil icarəsi
sizə müstəqillik və azadlıq verir.
Siz avtomobil icarə götürməklə ictimai nəqliyyatın vaxtından aslı
olmadan istədiyiniz yerə gedə bilərsiniz və səyahətinizi öz
sürətinizə və vaxtınıza uyğun planlaşdıra bilərsiniz.
Avtomobil icarəsinin başqa bir üstünlüyü onun müxtəlifliyi təklif
etməsidir. Avtomobil icarəsi şirkətlərində adətən müxtəlif marka
və modellərdə avtomobillər olur. Beləliklə, ehtiyaclarınıza və
seçimlərinizə uyğun avtomobil seçmək imkanınız olacaq.
Bundan əlavə, avtomobil icarə müddətini də öz istəyinizə uyğun
olaraq təyin edə bilərsiniz. Avtomobil icarə şirkətlərində
maşınların bir gün, bir həftə və ya daha uzun icarə variantları
mövcuddur.
Avtomobil icarəsi həm də büdcə dostu seçimdir. Xüsusən də uzun
müddətli icarələrdə nəqliyyat vasitəsini icarəyə götürmək onu
almaqdan daha sərfəli yoldur.
Yəni avtomobil icarə götürdükdə maşını almaq üçün tələb olunan
vergilər, sığorta, texniki xidmət kimi əlavə xərclərə ehtiyac olmur.
Həmçinin avtomobil icarə götürərkən yanacağa qənaət edən daha
funksionalvə daha səmərəli avtomobillərə üstünlük verməklə
yanacaq xərclərinizi də azalda bilərsiniz.
Avtomobil icarəsinin mənfi cəhətləri
Qeyd etdiyimiz kimi, avtomobil icarəyə götürməyin bəzi mənfi
cəhətləri də var.
Birincisi, avtomobil icarə haqqı bəzən yüksək ola bilər. Xüsusilə
turizmin pik dövrlərində və ya xüsusi tədbirlər zamanı avtomobil
icarəsi xərcləri digərlərinə nisbətən yuxarı olur.
Həmçinin, avtomobil icarə müqavilələrini də imzalayarkən diqqətli
olmaq vacibdir. Çünki icarə müqaviləsində əlavə ödənişlər və ya
əlavə şərtlər ola bilər, ona görə də müqaviləni diqqətlə oxumaq və
anlamaq sonrakı problemlərin qarşısını almağa şərait yaradır.
Avtomobil icarəsində başqa bir çatışmazlıq məsuliyyətdir. İcarəyə
götürdüyünüz avtomobil üçün tam məsuliyyət daşıyırsınız. Yəni
hər hansı bir qəza, zədə və ya oğurluq halında sığorta və
kompensasiya məsələləri ilə bağlı məsuliyyət bütünlüklə sizin
üzərinizdə olur. Həmçinin, avtomobil icarəsi şirkətlərinin müəyyən
qaydaları və məhdudiyyətləri ola bilər. Məsələn, yaş
məhdudiyyətləri və ya sürücülük vəsiqəsi tələbləri ki, həmin
məhdudiyyətlər çərçivəsində olmayan şəxslərə heç bir halda
avtomobil icarəyə verilmir.
Qısacası, avtomobil icarəyə götürərkən çeviklik, müxtəliflik və
qənaətcillik kimi üstünlükləri bilməklə yanaşı, yüksək xərclər və
məsuliyyət kimi çatışmazlıqları da nəzərə alınmalıdır.
Bu səbəbdən də yaxşı avtomobil icarəsi xidmətindən istifadə
etmək üçün ehtiyaclarınızı və büdcənizi diqqətlə nəzərdən
keçirməli, avtomobil icarə bazarında müqayisəli araşdırma
aparılmalısınız.
