Apreldə Krasnoyarskdan Bakıya birbaşa uçuşlar başlayır - QİYMƏT
Aprel ayından Rusiyanın Krasnoyarsk şəhərindən Azərbaycanın paytaxtı Bakıya birbaşa uçuşlar başlayacaq.
Marja Rusiya mətbuatına istinadən xəbər verir ki, aviareyslər "İrAero" aviaşirkəti tərəfindən həyata keçiriləcək. Bu barədə çərşənbə axşamı Krasnoyarsk Beynəlxalq Hava Limanının mətbuat xidməti məlumat yayıb.
"İrAero" Hava Yolları aprelin 2-dən Bakıya birbaşa uçuşlara başlayır. Uçuşlar həftədə bir dəfə - bazar günü yerinə yetiriləcək. Krasnoyarskdan uçuş saat 18:00-da Bakıdan uçuş saat 09:10-da nəzərdə tutulur".
Aeroportdan dəqiqləşdiriblər ki, Krasnoyarskdan Bakıya gediş müddəti təxminən 5 saat olacaq.
"İrAero" aviaşirkətinin məlumatına görə, bir tərəfə biletin qiyməti təxminən 22 min rubl (cari məzənnə ilə 495 manat) təşkil edəcək.
Krasnoyarsk Sibirin iri mədəni, iqtisadi və elm mərkəzi, Krasnoyarsk diyarının inzibati mərkəzidir. / marja.az
