"Apple" AirPods üçün sensorlu keys üzərində işləyir

"Apple" istifadəçilərə musiqi proqramları, Apple TV+, xəritələr və s. ilə qarşılıqlı əlaqə yaratmağa imkan verən sensor displeyli simsiz AirPods keysi üzərində işləyir. 2022-ci ilin sentyabrında təqdim edilmiş patentə əsasən, istifadəçilər onun köməyi ilə Siri-dən istifadə edərək proqramlar arasında keçid edə biləcəklər.
Banker.az bu barədə Qazeta.ru-ya istinadən xəbər verir.
Nəzərə alsaq ki, ötən il "Apple" iPod-un istehsalını dayandırıb, belə bir qərar əfsanəvi musiqi pleyerlərinin davamı ola bilər. Lakin bununla belə, patentin olması cihazın satışa çıxacağına zəmanət vermir, çünki şirkətin çoxlu sayda reallaşdırılmamış patentləri var.