ABŞ hökuməti "ChatGPT" və "OpenAI" ilə bağlı araşdırmaya başlayıb
ABŞ Federal Ticarət Komissiyası (FTC) "ChatGPT" çat-botunu yaradan "OpenAI" şirkəti ilə bağlı araşdırmaya başlayıb, bu barədə "The Washington Post" məlumat yayıb. Tənzimləyici hesab edir ki, çat-bot istehlakçılara yalan məlumatlar verir və istehlakçıların müdafiəsi qanunlarını pozur.
Banker.az bu barədə Kommersant-a istinadən xəbər verir.
FTC istintaqla bağlı xəbərləri şərh etməyib. "OpenAI"nin CEO-su Sem Altman tvitində "FTC-nin işinin necə sızdığını və inam yaratmağa kömək etmədiyini görmək çox kədərlidir" yazıb. O, təmsil etdiyi şirkətin tənzimləyici ilə tam əməkdaşlıq edəcəyini vurğulayaraq qeyd edib ki, "texnologiyalarımızın təhlükəsiz olması və istehlakçıların maraqlarına xidmət etməsi bizim üçün çox vacibdir. Biz qanuna əməl etdiyimizə əminik".
