484 milyon manat zərərdən sonra 26 milyon manata yaxın mənfəət
"Azərbaycan Dəmir Yolları" QSC 2021-ci ili 25 milyon 980 min manat xalis mənfəət ilə başa vurub. Dövlət şirkəti 2020-ci ili 484 milyon 5 min manat xalis zərər ilə bağlamışdı.
Marja.az Şirkətin 31 dekabr 2021-ci il tarixinə Maliyyə Vəziyyəti haqqında Konsolidə edilmiş Hesabatına istinadən xəbər verir ki, "Azərbaycan Dəmir Yolları"nın cəmi gəlirləri 2020-ci ildə 422 milyon 299 min manat ikən, 2021-ci ildə 488 milyon 932 min manata yüksəlib.
İllik 12.99%-dən 40 000 AZN-dək zaminsiz komissiyasız kredit!
"Azərbaycan Dəmir Yolları" QSC-nin yükdaşıma gəlirləri artıb, tikinti, sərnişindaşıma və sair gəlirləri azalıb. Şirkətin yükdaşıma gəlirləri 78 milyon 701 min manat və ya 24,6% artaraq 397 milyon 941 min manata yüksəlib, sərnişindaşıma gəlirləri isə 2,3 dəfə azalaraq 1 milyon 853 min manata düşüb.
Ötən il "Azərbaycan Dəmir Yolları" QSC-nin yığılmış defisiti 26 milyon 155 min manat azalaraq 4 milyard 470 milyon 997 min manat təşkil edib. Ötən il şirkətə dövlət investisiyaları 717 milyon 895 min manat təşkil edib və 4 milyard 428 milyon 489 min manata yüksəlib. Həm dövlət investisiyaları, həm də 906 milyon 62 min manat nizamanmə kapitalı hesabına şirkətin yığılmış defisiti bağlanıb.
31 dekabr 2021-ci il tarixində "Azərbaycan Dəmir Yolları" QSC 3 milyard 631 milyon 355 min manat cəmi aktivlərə malik olub (31 dekabr 2020-də 3 milyard 36 milyon 895 min manat).
